درد ایچره تالانمیش ائله ویرانه دی کونلوم
گل بزمی نه باخ , غملره کاشانه دی کونلوم
ظلمت گئجه لر حزن ئومه آرتیر آما نئیسه
بیلمم نه اؤچون صوبحچه بیگانه دی کونلوم
یاز گلدی آما سولدو سارالدی بوتون آرزیم
دئوران دا دونوب بلکه بیر افسانه دی کونلوم
بیلمم ,بو قلم سانکی چلیکدیر توتوب الدن
سن سیز گؤزلیم ظن ائله دیوانه دی کونلوم
گؤزلر سورونور الده قلم دیر سؤزه گئلمیش
سوسموش دیلیمین سیررینا غمخانه دی کونلوم
ائیللر بؤیودور آغلایاراق سئوگینه یاندیم
جانا, گؤزلیم, رحم ائله ویرانه دی کونلوم
شعر از : استاد شهریار
نظرات شما عزیزان: